سیکریٹری جنرل سے متعلق خبریں

آیت اللہ مکارم شیرازی کی موجودگی میں تصویری رپورٹ/ ’’اسلامی علوم کی پیدائش اور توسیع میں شیعت کے کردار‘‘ پر بین الاقوامی کانفرنس کی پالیسی کانسل میٹنگ

آیت اللہ مکارم شیرازی کی موجودگی میں تصویری رپورٹ/ ’’اسلامی علوم کی پیدائش اور توسیع میں شیعت کے کردار‘‘ پر بین الاقوامی کانفرنس کی پالیسی کانسل میٹنگ

اسلامی علوم کی پیدائش اور توسیع میں شیعت کے کردار کے زیر عنوان بین الاقوامی کانفرنس کے انعقاد کے لیے پالیسی کانسل کی میٹنگ منعقد ہوئی جس میں آیت اللہ العظمیٰ مکارم شیرازی کے علاوہ اہل بیت(ع) عالمی اسمبلی کے سیکرٹری جنرل سمیت حوزہ علمیہ قم کی اہم علمی شخصیات نے شرکت کی

 

 اہل بیت(ع) عالمی اسمبلی کے سیکرٹری جنرل کی یمن اور برما کے مسلمانوں کے لیے امداد کی اپیل

اہل بیت(ع) عالمی اسمبلی کے سیکرٹری جنرل کی یمن اور برما کے مسلمانوں کے لیے امداد کی اپیل

اہل بیت(ع) عالمی اسمبلی کے سیکرٹری جنرل نے ایک پریس کانفرنس کے دوران یمن کے مظلوم عوام پر گزشتہ دو سال سے زیادہ عرصے سے جاری ظلم و ستم کی داستان کو دھراتے ہوئے کہا کہ آل سعود کے شجرہ ملعونہ نے تاھم ہزاروں بے کس و مظلوم یمنیوں کو شہید کر دیا اس ملک کے تمام بنیادی ڈھانچوں؛ ہسپتالوں، اسکولوں، کھیتی باڑی کے مراکز کو نابود کر دیا ہے اور اس ملک کے عوام شدید قحط اور بحران کا شکار ہیں۔
حجت الاسلام و المسلمین محمد حسن اختری نے یمن میں پیش آنے والے انسانی المیہ کی طرف اشارہ کیا اور مزید کہا: دوسری جانب سے ہیضہ کی بیماری نے اس ملک کو اپنی لپیٹ میں لے لیا ہے اور بہت سارے بچے اس بیماری کی وجہ سے لقمہ اجل بن چکے ہیں جبکہ عالمی انسانی حقوق کی تنظیمیں اس ظلم و ستم کو دیکھ کر خاموش بیٹھی ہیں ایسے عالم میں امت مسلمہ کی ذمہ داری ہے کہ وہ آگے بڑھیں اور ان بے سہارا مسلمانوں تک اشیائے خورد و نوش و دوا پہنچانے کی کوشش کریں۔
انہوں نے برما کے مسلمانوں پر بھی بودھسٹوں کی طرف سے جاری ظلم کی طرف اشارہ کرتے ہوئے کہا کہ اس ملک کے مسلمان بھی ناقابل بیان حالات سے دوچار ہیں بودھسٹوں نے جس بے دردی اور درندگی سے انہیں ٹکڑے ٹکڑے کیا ہے وہ نہ قابل دید ہے نہ قابل بیان، اس تشدد کی وجہ سے ہزاروں کی تعداد میں مسلمان بے گھر، سینکڑوں بچے یتیم، اور عورتیں بیوہ ہوئی ہیں۔ عالمی انسانی حقوق کی تنظیمیں اور بین الاقوامی ادارے اس ظلم و تشدد کے مقابلے میں تاہم نہ کچھ کہہ سکے نہ پناہ گزینوں کے سر چھپانے کے لیے کوئی انتظام کر سکے ہیں۔
حجۃ الاسلام و المسلمین اختری نے کہا: ایرانی عہدہ دار کوشش کر رہے  ہیں کہ بنگلادیش کی سرحد پر ایک عارضی ہسپتال قائم کر کے پناہ گزینوں کے علاج و معالجہ کا انتظام فراہم کر سکیں نیز اس وقت ان کے پاس خورد و نوش کے لئے اشیائے خوردنی موجود نہیں ہیں کچھ پکانے کے لیے وسائل فراہم نہیں ہیں ایسے حال میں ضروری ہے کہ مسلمانان عالم آگے بڑھیں اپنی شرعی اور انسانی ذمہ داری کا احساس کرتے ہوئے ان بے سہارا لوگوں کے لیے کچھ کریں۔
انہوں نے آخر میں کہا کہ ہم نے ایران کے مختلف شہروں کے عمومی مراکز جیسے مساجد، میٹرو اسٹیشنز وغیرہ وغیرہ پر امداد حاصل کرنے کے لیے صندوقچہ لگا دئے ہیں جبکہ بنکوں میں اکاؤنٹ بھی کھول دئے ہیں جو افراد بھی اپنی امداد یمن اور برما کے مظلوم مسلمانوں تک پہنچانا چاہتے ہیں مذکورہ طریقوں سے اپنی امداد پہنچا سکتے ہیں۔


یمن کے مظلوم لوگوں کی مدد کے لیے بینک اکاؤنٹ نمبر:
بینک ملی:0113130000006

برما کے مظلوم مسلمانوں کی مدد کے لیے اکاؤنٹ نمبر:
بینک ملی: 0111424815009

تصویری رپورٹ/ آقائے اختری کی موجودگی میں اہل بیت(ع) عالمی اسمبلی کی جنرل اسمبلی کے اراکین کی ہالینڈ میں میٹنگ

تصویری رپورٹ/ آقائے اختری کی موجودگی میں اہل بیت(ع) عالمی اسمبلی کی جنرل اسمبلی کے اراکین کی ہالینڈ میں میٹنگ

 ہالینڈ کی مقامی اہل بیت(ع) اسمبلی کے سربراہان اور اہل بیت(ع) عالمی اسمبلی کی
جنرل اسمبلی کے اراکین نے حجۃ الاسلام و المسلمین محمد حسن اختری سے ملاقات اور گفتگو کی۔ یہ نشست جو
ایمسٹرڈیم میں منعقد ہوئی اس میں ایران کے سفیر برائے ہالینڈ علی رضا جہانگیری، اسلامی پارلیمنٹ کے نمائندے
سید تقی کبیری اور اہل بیت(ع) عالمی اسمبلی کے شعبہ یورپ کے عہدیدار حجت الاسلام طلابی نیا بھی شامل تھے ۔
 
اہل بیت(ع) عالمی اسمبلی کے سیکرٹری جنرل سے شہید محسن حججی کے اہل خانہ کی ملاقات شہدائے مدافعین حرم نے دنیا میں جذبہ استقامت و شہادت کو دوبارہ زندہ کر دیا: آقائے اختری

اہل بیت(ع) عالمی اسمبلی کے سیکرٹری جنرل سے شہید محسن حججی کے اہل خانہ کی ملاقات شہدائے مدافعین حرم نے دنیا میں جذبہ استقامت و شہادت کو دوبارہ زندہ کر دیا: آقائے اختری

اہل بیت(ع) نیوز ایجنسی۔ابنا۔ اہل بیت(ع) عالمی اسمبلی کے سیکرٹری جنرل حجۃ الاسلام و المسلمین محمد حسن اختری نے آج صبح شہید مدافع حرم محسن حججی کے اہل خانہ سے ہوئی ملاقات میں انہیں خراج عقیدت پیش کیا اور کہا: سب سے پسندیدہ اور عظیم عمل اللہ کی راہ میں شہادت ہے جو کسی دوسرے عمل سے قابل موازنہ نہیں ہے۔
انہوں نے کہا: محسن حججی کی شہادت نے ملک میں ایسی فضا قائم کر دی جس سے ملک میں وحدت و یکجہتی وجود میں آئی۔
حجۃ الاسلام و المسلمین اختری نے محسن حججی کی شہادت کو امام حسین علیہ السلام کی شہادت کی ایک معمولی جھلک قرار دیتے ہوئے کہا: اگر چہ امام حسین علیہ السلام کی شہادت دنیا کے کسی واقعہ سے قابل موازنہ نہیں ہے لیکن اس راہ پر قدم رکھنے والے شہداء کے واقعات سے امام کی دردناک شہادت کی شدت کا اندازہ لگایا جا سکتا ہے۔
انہوں نے زور دے کر کہا کہ یقینا اس واقعہ میں کوئی راز پوشیدہ ہے جس سے سوائے پروردگار عالم کے کوئی آگاہ نہیں ہے۔
انہوں نے شام اور عراق میں بدنام زمانہ دھشتگرد ٹولے داعش کو نصیب ہوئی شکست کی طرف اشارہ کرتے ہوئے کہا: تکفیری دھشتگردوں سے مقابلے کی وجہ سے ہمارے ملک میں مزاحمت اور استقامت کا جذبہ پھر سے عروج پر پہنچ گیا ہے۔
انہوں نے زور دے کر کہا کہ حرم ولایت کے مدافعین نے اپنی جانیں قربان کر کے فداکاری کا جو جذبہ جوانوں میں اجاگر کیا ہے ہماری ذمہ داری ہے کہ ہم اسے آئندہ نسلوں تک منتقل کریں۔
اس ملاقات میں شہید محسن حججی کے والد نے کہا: محسن کا فراق اگر چہ ہمارے لیے بہت گراں ہے لیکن ہم بہرحال خدا کے شکرگزار ہیں اور امید کرتے ہیں کہ اہل بیت(ع) کی راہ میں بنحو احسن اپنی ذمہ داریاں ادا کر سکیں۔
اہل بیت(ع) عالمی اسمبلی کے سیکرٹری جنرل نے جنت البقیع کی بے مثال تصویر ایک نفیس فریم کی صورت میں شہید محسن حججی کے اہل خانہ کو بطور تحفہ پیش کی

اہل بیت(ع) عالمی اسمبلی کے سیکرٹری جنرل: ’’مساعی حمیدہ‘‘ کمیٹی دنیا میں مستضعف مسلمانوں کی حمایت کی راہ میں کوشاں ہے

اہل بیت(ع) عالمی اسمبلی کے سیکرٹری جنرل: ’’مساعی حمیدہ‘‘ کمیٹی دنیا میں مستضعف مسلمانوں کی حمایت کی راہ میں کوشاں ہے

اہل بیت(ع) نیوز ایجنسی۔ابنا۔ اہل بیت(ع) عالمی اسمبلی کے سیکرٹری جنرل نے تہران میں منعقدہ ’’عالم اسلام میں وحدت ڈیلومیسی کی حکمت عملی کے نفاذ‘‘ پر بین الاقوامی اجلاس کے دوران نامہ نگاروں سے گفتگو کرتے ہوئے کہا کہ اس بین الاقوامی اجلاس کا اصلی مقصد یہ ہے کہ عالمی سطح پر کام کرنے والی تقریبی انجمنوں، آرگنائزیشنز اور اداروں کو عالم اسلام میں اتحاد اور ہمدلی کی فضا قائم کرنے کے لیے آپس میں جوڑا جائے۔
حجۃ الاسلام و المسلمین محمد حسن اختری نے اس حوالے سے مزید وضاحت کرتے ہوئے کہا کہ یہ کانفرنس وحدت اسلامی کانفرنسوں کے سلسلے کی ایک کانفرنس ہے جو عالمی مجلس برائے تقریب مذاہب کے زیر نظر اس لئے تشکیل دی گئی ہے تاکہ دنیا کے مختلف ممالک میں سرگرم تقریبی اداروں، انجمنوں اور آرگنائزیشنز نیز معتدل اور مسلمانوں کے درمیان اتحاد کے حامی شخصیات کو ایک پلیٹ فارم پر اکھٹا کیا جائے اور ان کے لئے دوسرے سے ہم آہنگ ہونے کا موقع فراہم کیا جائے۔
انہوں نے کہا: وہ آرگنائزیشنز اور ادارے جو مختلف ممالک میں اتحاد کی حکمت عملی کے نفاذ کی راہ میں کوشاں ہیں انہیں کس طریقے سے ایک دوسرے سے جوڑا جائے تاکہ مسلمانوں کے درمیان وحدت اور ہمدلی کی فضا کو مستحکم بنایا جا سکے اس حوالے سے اس کانفرنس میں گفتگو کی جائے گی۔
انہوں نے اپنی گفتگو کے دوران مجمع تقریب مذاہب کے زیر اثر کام کرنے والی ’’مساعی حمیدہ‘‘ کمیٹی جو انسان دوستانہ محور پر مستضعف عوام کی حمایت کرتی ہے کا ذکر کرتے ہوئے کہا: یہ کمیٹی پوری دنیا میں پائے جانے والے مستضعف عوام تک امداد پہنچانے کی راہ میں سرگرم ہے اور اس کانفرنس میں مسلمان ممالک جیسے بحرین، یمن، میانمار اور دیگر ممالک کے دامن گیر مشکلات کے حل کے لئے اپنائی جانے والی حکمت عملی کو بھی زیر بحث لایا جائے گا۔
قابل ذکر ہے کہ وحدت ڈپلومیسی بین الاقوامی کانفرنس رہبر انقلاب اسلامی کے حکم سے تشکیل دی گئی ہے جو ملکی اور غیر ملکی شخصیات کی موجودگی میں آج بروز بدھ کی صبح تہران میں شروع ہوئی۔
اسلامی امت واحدہ، اسلامی تمدن، حیات طیبہ اور مذاحمت اس بین الاقوامی اجلاس کے اہم ترین موضوعات ہیں۔

اہل بیت(ع) عالمی اسمبلی کے سیکرٹری جنرل کا آیت اللہ راستی کی رحلت پر تعزیتی پیغام

اہل بیت(ع) عالمی اسمبلی کے سیکرٹری جنرل کا آیت اللہ راستی کی رحلت پر تعزیتی پیغام

اہل بیت(ع) نیوز ایجنسی۔ابنا۔ جامعہ مدرسین حوزہ علمیہ قم اور مجلس خبرگان کے سابق رکن آیت اللہ شیخ حسین راستی کاشانی کی رحلت پر اہل بیت(ع) عالمی اسمبلی کے سیکرٹری جنرل محمد حسن اختری نے اپنے تعزیتی پیغام میں کہا ہے کہ امام خمینی(رہ) کے ساتھی اور رہبر انقلاب اسلامی کے یار و مددگار آیت اللہ شیخ حسین راستی کاشانی کی رحلت باعث رنج و الم ہوئی ہے۔
انہوں نے نجف اشرف میں آیت اللہ راستی کاشانی کی شاگردی کا ذکر کرتے ہوئے کہا ہے کہ اسلامی انقلاب کی کامیابی سے پہلے اور بعد, مرحوم کی علمی اور ثقافتی سرگرمیاں، امام راحل کی تحریک انقلاب کے فروغ میں بہت موثر تھیں۔
اسمبلی کے سیکرٹری جنرل کا مرحوم کے فرزند کے نام تعزیتی پیغام کا مکمل ترجمہ:
بسم اللہ الرحمن الرحیم
 جناب حجت الاسلام والمسلمین حاج شیخ علی راستی کاشانی دام عزه العالی
فقیہ مجاہد، امام خمینی(رہ) اور رہبر انقلاب اسلامی کے یار و مددگار حضرت آیت اللہ شیخ حسین راستی کاشانی کی رحلت پر تعزیت عرض کرتا ہوں۔
بندہ حقیر کو نجف اشرف میں مرحوم کے دروس میں تلمذ کا موقع نصیب ہوا اور انقلاب اسلامی کی کامیابی سے پہلے اور بعد کئی سالوں تک ان کی اسلام، مکتب تشیع اور امام راحل کی تحریک کی بالادستی کی راہ میں علمی اور ثقافتی جد و جہد کا قریب سے مشاہدہ کیا۔
ایران اور عراق کے حوزہ ہائے علمیہ میں بے بہا فقہی اور تعلیمی سرگرمیاں جیسے اعلیٰ سطح میں تدریس، امام کے دفتر میں سوالات و جوابات کے فرائض کی انجام دہی، اجتہاد کی صلاحیت پرکھنے والی کمیٹی میں شمولیت، حوزہ علمیہ قم کی اعلی کونسل میں امام کی نمائندگی، نیز جامعہ مدرسین اور مجلس خبرگان رہبری میں رکنیت وہ اہم ذمہ داریاں تھیں جو انہوں نے اپنے دوش پر اٹھائیں۔
اس کے علاوہ، اسلامی معاشرے کے تئیں ان کی خالصانہ خدمات، ان کا اخلاق، تواضع و انکساری، پاکیزگی نفس ان کے لئے جاودانی زاد سفر اور آپ کے لیے بے نظیر افتخار قرار پائیں گی۔
ہم اس غمناک نقصان پر امام زمانہ عج اللہ تعالی فی فرجہ ، رہبر انقلاب، مراجع عظام، حوزہ ہائے علمیہ، مرحوم کے شاگردوں اہل خانہ اور دوست و احباب کی خدمت میں تسلیت و تعزیت عرض کرتے ہیں مرحوم کے لیے مغفرت اور ائمہ طاہرین کے قرب و جوار کی دعا مانگتے ہیں اور آپ کے لئے صبر جمیل اور اجر جزیل کی تمنیٰ کرتے ہیں۔
و انا لله و انا الیه راجعون

اہل بیت(ع) عالمی اسمبلی کے جنرل سیکریٹری کی شرکت سے سینیئر ذاکرین، مداحان اہلبیت اطہار(ع) اور نوحہ خوانوں کی پندرہویں عالمی کانفرنس کا اصفہان میں انعقاد+ تصاویر

اہل بیت(ع) عالمی اسمبلی کے جنرل سیکریٹری کی شرکت سے سینیئر ذاکرین، مداحان اہلبیت اطہار(ع) اور نوحہ خوانوں کی پندرہویں عالمی کانفرنس کا اصفہان میں انعقاد+ تصاویر

جمعرات, 14 ستمبر 2017

اہل بیت(ع) نیوز ایجنسی۔ابنا۔ سینیئر ذاکرین اور مداحان اہلبیت اطہار(ع) نوحہ خوانوں کی پندرہویں عالمی کانفرنس مرکزی ایران کے شہر اصفہان میں شروع ہوگئی ہے۔

بدھ سے شروع ہونے والی اس کانفرنس کا مقصد اہل بیت عصمت و طہارت کی مدح سرائی اور امام حسین علیہ السلام کے غم میں نوحہ خوانی میں قابل قدر خدمات انجام دینے والے ذاکرین، مداحوں اور نوحہ خوانوں  کی حوصلہ افزائی کرنا ہے۔ صوبائی ڈائریکٹر جنرل برائے ثقافت و اسلامی رہنما‏ئی حجت الاسلام حبیب رضا ارزانی نے بتایا ہے کہ اس کانفرنس میں، برطانیہ، ہندوستان، افغانستان، بحرین، چلی، ارجنٹائن، ملائیشیا اور جمہوریہ آذربائیجان سمیت دنیا کے بتیس ملکوں کے ساٹھ سے زائد ذاکرین اور نوحہ خوان حضرات شریک ہیں۔انہوں نے کہا کہ اس کانفرنس کے دوران ستر سے نوے برس کے ذاکرین مداحوں اور نوحہ  خوانوں کی خدمات کی قدر دانی کے ساتھ ساتھ مصائب امام حسین علیہ اسلام کے حوالے سے دو کتابوں کی رونمائی بھی کی جائے گی۔اس موقع پر امام حسین علیہ السلام کی تحریک کے مقاصد اور محبت اہلبیت کے حوالے سے دو علمی نشستوں کا بھی اہتمام کیا جائے گا۔

یہ کانفرنس ہر سال محرم الحرام کی آمد سے پہلے منعقد کی جاتی ہے۔ اس کانفرنس میں اہل بیت(ع) عالمی اسمبلی کے سیکرٹری جنرل حجۃ الاسلام و المسلمین محمد حسن اختری بھی حاضر تھے۔

<<  1 [23 4 5  >>  

عالمی اہل بیت اسمبلی

مجمع جهانی اهل‎بیت(علیهم‎السلام)، به عنوان یک تشکل جهانی و غیردولتی، از طرف گروهی از نخبگان جهان اسلام تشکیل شده است. اهل‎بیت(علیهم‎السلام) به این دلیل بعنوان محور فعالیت انتخاب شده‎اند که در معارف اسلامی در کنار قرآن، محوری مقدس را که مورد پذیرش عامه مسلمین باشد، تشکیل می‎دهند.
مجمع جهانی اهل‎بیت(علیهم‎السلام) دارای اساسنامه‎ای مشتمل بر هشت فصل و سی و سه ماده است.

  • ایران - تهران - بلوارکشاورز - نبش خیابان قدس - پلاک 246
  • 888950827 (0098-21)
  • 888950827 (0098-21)

ہم سے رابطہ کریں

موضوع
دوستوں کوارسال کریں
خط
8-3=? سیکورٹی کوڈ